Síðasta vika hefur verið mjög svo ágæt?
Á laugardaginn þurfti ég að fara á AFS fund, eitt af þessum stóru fundum þar sem allir skiptinemarnir hittast og ræða um dvöl sína hérna.. Nokkrir nýjir skiptinemar kynntir, þeir sem eru frá Eyjaálfu og þeir sem eru hérna í hálfs árs dvöl.

Svo vorum við vakin upp klukkan 5:30, þá var skjótur morgunverður og svo var okkur hent uppí skólabíl með engum hita á og okkur var keyrt uppí fjall, ss. skíðaferð. Við fengum alveg fullkomið skíðaveður, svo heitt að þegar ég var að bíða eftir því að komast í lyftuna stóð ég í bolnum, bætti svo einni peysu á mig þegar ég var uppi á topp, ég fór ss. á bretti í fyrsta sinn í alveg örugglega 4 ár eða meira, ég reyndi að halda uppi við einhvern svía, svisslending, frakka og 2 ítala, það var bara ekki að ganga, ég missti reglulega stjórn á mér og kolféll, allur líkaminn meira og minna marinn, stútaði á mér öxlinni rétt fyrir hádegi og gafst ég þá bara upp. Um hádegið fékk maður sér að éta og svo bara fór ég aftur í brekkuna, í þetta sinn ákvað ég að fara ekki með hinum í svörtu brekkurnar og tók bara minn hraða í þeim bláu, og fylgdu mér þjóðverji og frakki, og vitir menn, ég datt ekkert eftir það.
Ég tók nú með mér myndavélsem betur fer svo þið getið nú öfundað mig verulega mikið!












Anita frá Sviss og ég

Svo á mánudagsmorgni fór ég til hjúkrunar í skólanum, útaf öxlinni, hún var fín svo lengi sem að ég hreyfði mig ekki en ef að ég þurfti að gera eitthvað var það kvöl og pína. Hún gerði einhverjar rannsóknir og spurði mig svo hvort ég væri tryggður, ég svaraði því að ég væri tryggður uppá rúmar 70.000.000 kr. (1.000.000 USD) hún horfði á mig vantrúuð og muldraði svo að hún óskaði þess að hún værir svo mikils virði, svo sagði mér svo að fara í rönken þar sem bein í öxlinni gæti verið brotið, svo gaf hún mér 3 rauðar töfrapillur og svo fann ég lítið fyrir henni, ég nenni sko ekki að fara uppá gjörgæslu og eyða heilum degi þar enda líður mér betur í öxlinni núna...

Svo um kvöldið kom Justina, Við fórum á Winter formal. Það sem einkenndi þetta ball var að það voru um 4 hvítir drengir og um 150 svartir... Og vá, Dirty Dancing er sko ekkert það sem maður sér í sjónvarpinu, á þessu balli hölluðu drengirnir sér að veggnum, í svona 45° halla og svo nudduðu stelpurnar sér upp við þá, ekki leiðinlegt.



góða nótt!

Jæja, eins og venjulega, allt rólegt og gott að frétta héðan.

Í síðustu viku fór R&H til Hawaii, að ég fái að vera einn heima, 18 ára gamall, kom sko ekki til mála. Ég gisti hjá Matt en það er aðal make-up gaurinn fyrir draugahúsið. Það er alveg frábært, hann er mjög skemmtilegur og býr bara rétt hjá skólanum mínum, tekur mig um 15 mínútur að labba...

Justina, stúlka sem ég kynntist í draugahúsinu bauð mér á "Winter Formal" í skólanum sínum, sjálfsögðu játti ég við því, svo á föstudaginn fór ég og heimsótti hana. Þá fékk ég þessa týpísku, amerísku, svona eins og í sjónvarpinu, yfirheyrslu. Foreldrar hennar vildu fá að vita flest allt sem hægt er að vita um mig, ég stóð mig nú þokkalega held ég, allavegana vorum við látin í friði það sem af var að kvöldinu.

Svo vann ég keilumót á dögunum, fékk þennann fína plastbikar með nafninu mínu á.

Svo snjóaði hérna um daginn, svona 3-4 cm lag yfir borginni og það var bara öllu lokað. Enginn skóli, enginn vinna, ekki neitt, það var bara slökkt á öllu hérna, það varði í 2 heila daga, það var svosem ágætt að fá 5 daga helgarfrí :)

Annars er ekkert annað að frétta héðan

Síðasta vika hefur verið heldur róleg.
Meiri hlutinn af fólkinu sem maður þekkir eru úr draugahúsinu og hvílir milkil sorg yfir öllum þar.
Á Fimmtudag var þó enginn skóli, vegja snjós, sem aldrei kom, svo það var enginn skóli og frábært veður úti :)
Jarðaför Tenille var í dag. spes hvernig þetta virkar hérna allt saman, presturinn bara í venjulegum jakkafötum, hann sagði bara örfá orð, svo var bara opinn mic. Það var engin kista, hún var brennd og öskunni verður dreift síðar en það verður ábyggilega eitthvað sem fjölskyldan gerir þegar þau eru tilbúin.
Ég gær fór ég því og splæsti í jakkaföt! 35 þús kall þar, fékk smat skó, skyrtu, bindi, fötin sjálf og svo voru skálmarnar sniðnar eftir minni stærð svo það var ekkert svo slæmt.

haha, sést ekkert mikið það sem þetta er svart :)

Svo eftir jarðaförina fórum við í draugahúsið og það komu allir sem vildu og fólk kom með mat. fólk fór uppá svið til að segja sögur af henni og Mamma, pabbi og 2 systur hennar voru þarna, ég tók frumsamið lag á gítarinn og læti og núna neyðist ég til þess að fara og splæsa í stúdíó upptöku af laginu því það var bara fullt af fólki að spyrja um það :) M.a. eldri systir hennar.

Í kirkjunni sagði pabbi hennar okkur hvað hafði gerst.
Ég vissi meðal annars að hún var heltekin af því að vera grönn, hún var samt ekki anorexia, né búllemía þegar hún sagði mér það. Ég veit ekki hvað maður á að kalla þetta sem hún gerði, en hún var í heitapottinum að soga gas, svona eins og í sprey-brúsum og álíka, hún gerði þetta, að það er talið, svo hún myndi missa matarlyst. það endaði með því að hún fékk flog í pottinum og fór á kaf, án þess að geta stjórnað líkamanum sínum druknaði hún, hræðilegum og kvalarfullum dauða.
greyið stelpan.

En jú, lífið heldur áfram, einum manni færri.

Jæja, 2007!

Ég átti helvíti skemmtileg áramót hérna.

Það byrjaði all með því að flestir AFS krakkarnir hérna í Portland og einhverjir úr nágrenninu hittust niðrí bæ.
Við fórum öll saman út að borða. Það var mjög skemmtilegt að sjá suma og allir voru eitthvað voða jolly, en jú margir súrir, ekkert áfengi, flest allt Evrópubúar á ferð.
En hvað um það. kl. 10 fórum við svo að leita að þessum klúbb, sem var svona alls aldurs klúbbur. Ottavia frá Ítalíu var sú eina sem vissi um þennann stað og var ekkert að segja hvernig staður þetta væri.. Svo leituðum við og leituðum og loksins fundum við hann.
Þá kom í ljós að þetta var Gay Club! Hálf kaldhæðnislegt fyrir mig en okkur fannst það bara fynndið.
Við fórum inn og fengum svona partýhatta og partýdót og svo var svona diskó-dansgólf með ljósum, staðurinn var pakkaður en hann var að fagna 3 ára afmæli sínu. Kl. 11:59 var svo slökkt á músíkinni, einhverjar stuttar tilkynningar og svo var talið niður.
Svo á miðnætti voru allir að faðma og kyssa hvorn annan og voða gaman eitthvað.
Svo var okkur sagt að setjast því það væri prógram að byrja. Þar sem þetta var nú gay club voru það auðvitað dragdrottningar sem héldu stuðinu uppi!
Svo seinna, eftir öll show-in ákváðu þau að gefa nokkra bíómiða, þeir voru með miða á 2 síningar, 10 á aðra en bara 3 á hina. Þeir ákváðu að gefa þessa 10 til random fólks, svo sagði ein drottningin; Fyrstu 3 til að hlaupa uppá svið sem hafa aldrei komið í klúbbinn áður fá þessa miða.
Ég, Ottavia og einhver kani hlupum eins og andskotar uppá svið. Fyrst talaði drottningin við kanann, svo kallaði hún á mig og spurði mig nafns, ég sagði bara nafnið mitt og hún horfði á mig og var bara, bíddu, bíddu, getur þú sagt þetta hægt, svo ég sagði nafnið mitt mjööög hægt og bætti því við að þetta væri Íslenskt nafn. Þá hresstist heldur við henni, bara, vá í alvöööruu, ertu frá Íslandi. Svo sagði hún mér, til þess að ég gæti fengið miðann yrði ég nú að gera svolítið sem kanarnir gera, hún sagði mér að fara uppá svið og gera bootie-dans, fyrir þá sem ekki vita, þá er Það þegar maður snýr öfugt við áhorfandann, hallar sér svolítið fram og hristir á sér afturendann, og að sjálfsögðu gerði ég það og fékk minn miða.
Svo fór Ottavia og sagðist vera frá Ítalíu, drottningin var bara, vááá, þið eru bara allstaðar frá, þá sagði Ottavia að við værum hérna frá öllum þessum löndum og byrjaði að nefna nokkur lönd, þá sagði drottningin bara, váá, krakkar, komiði hérna uppá svið, svo allir skiptinemarnir fóru uppá svið og þvílík fagnaðarlætin.
Svo var bara svona nafn og þjóð tekið á línuna og svo sagði hún okkur að hitta sig úti eftir sýninguna. Eftir síninguna þustum við út og þá vöru bara myndatökur, við vorum stillt upp og allir voru að taka myndir af okkur og dragdrottningar vor alltaf að bæta sér í uppstyllinguna.

Ég hafði lofað R&H að koma heim í kringum 2. klukkan 2:15 leit ég á klukkuna og hugsaði með mér að það væri best að fara að koma sér heim. Svo ég kallaði á Tim sem á heima rétt hjá mér og spurði hvort hann vildi koma með mér, svo við ákváðum að splæsa í leigubíl. Vá hvað það var ekki góð hugmynd! Við tókum sporvagninn upp að aðal mollinu, vonandi eftir því að einhverjir leigubílar væru þar en nei. Til að gera langa sögu stutta, húktum við í einhverju hótel-lobby og ég var kominn heim í kringum 4:30! Ég útskýrði hvað hafði skeð fyrir R&H og þeir sögðu að það væri allt í góðu með það.