Jújú, var á Borat áðan, hef ætlað að sjá þessa mynd lengi en aldrei fengist tími til. Hló mig máttlausann á henni, ótrúlegt hvað þessi gaur er ákafur í leik sínum, ég meina, ég hefði gefist upp þegar Pamela slapp úr pokanum, en nei, Borat gafst ekki upp fyrr en hann var handjárnaður!
Það má til gamans geta að það er hægt að hlusta á "The Kazakhstan National Anthem" á MySpace síðunni minni :)

Anyways, ég er alveg að spila keilu á fullu núna svo maður nái í liðið, margir harðir keppinautar á ferð. Það vildi svo skemmtilega til að einn þjálfaranna vildi selja kúlu sem hann átti, hann hafði ekki einu sinni látið bora hana! Ég fékk hana, úr kassanum, á $100 en ný útí búð kostar hún $285! Svo fór ég í aðra keiluhöll og lét bora hana, allt miklu flottara nákvæmlegra gert hérna heldur en nokkurntímann heima, það tók hann örugglega hátt í 20 mín bara að mæla kúluna! Ég fékk borun + skó á $50 í stað $120 útaf því að eigandinn þekkir mjög vel þjálfarann minn. Svo fékk ég fríleik til að prófa kúluna og var ég hæst ánægður með alla þjónustuna, spilaði fríleikinn og skaut ~ 140 og ég klúðraði báðum skotunum í fyrsta rammanum. Núna hef ég spilað alls 8 leiki með nýju kúlunni og hef aldrei fengið verr en fyrst skiptið og 2var yfir 200!! Þ.e. 214 og 211 og eru þessir næst og þriðji bestu leikir mínir ever! Minn besta spilaði ég ú úrslitum keila.is mótsins, þegar ég vann ferðina til skotlands, en það var 220. Svo já, ég er nokkuð öruggur með að komast í liðið :)

Alltaf gaman hjá Rick, Atvinnulaus og nýtur þess hið besta! Hann er búinn að vinna nánast nonstop í ættfræðinni sinni og var að komast að því í dag að afi hanns í 13. ættlið var mjög náinn vinur Cortéz en Cortéz er sá sem kom sá og sigraði Azteka. Þessi afi Ricks var með honum í stríðinu við Azteka og skýrði meira að segja fyrsta son sinn eftir honum!
Já maður spyr sig, var ekki familían hanns Rick's moldrík? Svarið er já, allt fram til 1800 og eithvað áttu allir fjölskyldumeðlimir Rick's heima í Villum og með þjóna og læti, en svo þurfti nú spilafíknin að taka yfir einn sem á endanum tapaði öllu!
Ég er samt viss um að það bíður einhver bankareikningur uppá milljónir dollara eftir Rick ;)

Svo er hún Kristjana greyið farin heim, jújú, send heim fyrir drykkju og skólaskróp. Þar fór 600.000 kall...

Það hafa margir skiptinemar hérna spurt sig, afhverju í fjáranum fór ég með AFS!!
Fyrir 600.000 kall er hægt að leigja sé smá íbúð og lifa flottu batchelor lífi! Engar asnalegar AFS reglur! Og þá hefði maður nú bara farið í College, held að það sé töluvert skemmtilegra!

Anyways, off to bed now, klukkan kortér í 1 og skóli á eftir!

Jújú, árið 1855 komu einhverjir 18 íslendingar til Salt Lake City, Utah til að byggja.
Þeir töluðu um eitthvað "kall" sem ég skil ekki alveg en hvað um það. Eftir að kona bróður Henry's kom úr göngunni minnti henni á eitthvað Íslenskt "memorial", hún mundi ekkert fyrir hvað en var nokkuð viss um að það væri íslenskt, og jú, íslenskt var það, reist 1 Ágúst 1938. Svo kom Óli presídent og heiðraði það eitthvað í fyrra.






Á leiðinni heim snjóaði, jújú, vorum við einhver 3500 fet fyrir ofan sjávarmál, Kaninn kann ekkert að keyra í snjó! Það var ekki einu sinni mikið, kanski millimetris lag, en jújú, flestir allir á sumardekkjunum. Á hraðbrautinni sá ég jeppa á hvolfi, nokkra bíla sem höfðu keyrt útaf veginum og nokkrar beyglur hér og þar. Það sem stóð uppúr samt var það að það þurfti að loka hraðbrautinni í nokkra tíma, við hringdum í svona síma eins og fyrir skíðalyfturnar heima nema þetta var bara fyrir hraðbrautirnar. Hún átti einmitt að opna aftur þegar við vorum að koma á þann punkt sem var lokað, en það sagði síminn amk. Við þurftum samt að stoppa og bíða í klukkutíma, þá var fólk lengst búið að bíða í 4-5 tíma og getiði rétt ímyndað ykkur bílaröðina! Við vorum þó heppnir þannig sé því klukkutíma síðar var hraðbrautinni lokað aðeins lengra, og við löngu farnir framhjá, í einhverja klukkutíma, 6 eða 7.
En við komumst alveg heilir heim :)

Núna er ég einn einhversstaðar í Utah. Þakkagjörðardagurinn var í gær og vorum við hjá einum af bræðrum Henrys, það var mín fyrsta sjón á svona ekta amerískri fjölskyldu eins og maður sér alltaf í sjónvarpinu. Það tók okkur alls 12 tíma að keyra þetta, en við gistum á miðri leið.
Kalkúninn var fínn, svo var bara verið að tala um hitt og þetta, svona eins og gengur og gerist í svona boðum.

Þessi bróðir Henrys er harður repúblikani og mormóni og samkynhneigð er því ekkert sem hann fílar. Fyrir 10 árum síðan var Henry að fara í sama boð. Daginn sem flugið var hringdi Henry til þess að tjékka á smáatriðunum og athuga hvort að hann væri ekki með allar upplýsingarnar. Þá sagði bróðir hanns að hann hefði heyrt að hann hefði komið úr skápnum nýlega, Henry hló og sagði honum að það væri ekki rétt, það eru ár síðan hann kom úr skápnum. Bróðir Henrys bannaði Henry að koma og sagði honum aldrei að koma nálægt börnunum sínum!
Þegar faðir þeirra bræðra dó, einhverjum árum síðan kom bróðir Henrys og baðst fyrirgefningar, og honum þótti heiður að fá hann í heimsókn til sín.
Núna eru 2 af 4 börnum bróður Henrys samkynhneigð sem er svolítið kaldhæðnislegt. Henry sagði bara að guð væri að hefna hanns með því að hata samkynhneigða.

Núna erum við hjá hinum bróður Henrys, ekki ss. sem var talað um hér að ofan. Í dag fóru allir, nema ég, í fjallgöngu, í örugglega 40 gráðu hita. Ég var bara ekki að nenna því. Svo förum við heim seinnipartinn á morgun.

Var með smá fögnuð í kveld vegna afmælisins míns og var það bara heavy gaman.
Ég lét bara örfáa vita og sagði þeim að segja öllum skiptinemunum.... geri það víst ekki aftur. Aðeins 2 komu en það var bara fínt. Margir fóru úr bænum á föstudagskveldið og voru 3 bestu félagarnir mínir þegar farnir, vegna Þakkagjörðahátíðanna en margir áttu 3gja daga bílferð framundan...
Í morgun fórum við Henry með Ferrettinn, man ekkert hvað þetta heitir á íslenskunni í einhvern garð hérna og leyfðum við honum að hlaupa um og hann var mjög spenntur. Henry tók þessa frábæru mynd sem mér finnst bara snilld!

Jebb búinn að sjá hana :) Fékk einhvern Vaff-Ii-Pé miða... Hún er víst ekki sýnd fyrir þennann svokallaða almenning fyrr en á miðnætti (sá hana í 7 bíói). Svalasta myndin hingað til verð ég að segja!

Anyways, kallinn bara orðinn 18! Og ákvað ég í því tilefni að setjast niður með pakkann hennar mömmu, sem var pakkfullur af ÍSLENSKU nammi, og éta á mig nokkur grömm ;) Já mamma, ég er langt kominn með það!
Gerði nú lítið í tilefni dagsins, maður getur náttúrulega ekkert drukkið hérna svo þetta var frekar langdregið kvöld ;)
Neinei, ég fór út að borða með Frönsku stelpunni, Marion, það var það eina sem ég gerði...
Svo hringdi pabbi líka í mig, það var ægilega gaman :)
Og ég fann út að ég var fæddur kl. 19:12 en ekki 19:37 eins og ég laug að öllum.

Mjög leiðinlegar fréttir hérna að utan, það sem ég hef heyrt.

Félagi minn Alex frá þýskalandi er farinn eða er að far heim vegna mikils áfalls í fjölskyldunni. Pabbi hanns hengdi sig í sturtunni.

Tveir skiptinemar látnir, einn í Texas og hinn að ég held í Arkansas.
Texas gaurinn druknaði í einhverju vatni og enginn af félögum hanns sagði sömu söguna eftir að hann var lýstur horfinn. Hann var frá Þýskalandi.

Hinn drengurinn var bara á djammminu og hneig niður í miðju stuðinu. Ég frétti ekkert af orsökunum. Hann var frá Frakklandi.

Nokkrir dagar eru nú liðnir frá hrekkjavökunni. Ég fór ekki að trick and treat-a eins og hefðin er, ég vann í draugahúsinu og átti þar ánægjulega hrekkjavöku.
31. Október, hrekkjavakan, var síðasti dagurinn þar sem draugahúsið var opið. Ég skemmti mér konunglega við það og það er eitthvað sem ég bara veit með vissu að sé hápunktur ársins.

þetta er einn af búningunum sem ég klæddist í draugahúsinu. Ég var ss. barn á leikvellinum og fékk ég að róla, hoppa og hlaupa um eins og vitleysingur í 5 tíma :)

Það hefur verið rosalega skrítið að vera ekki að vinna þarna lengur, oft á kvöldin fer ég að nudda á mér andlitið því mér finnst alltaf eins og ég sé með farða á mér.


Ég hef lítið sinnt skólanum undafarið, eins og ég hef áður nefnt hérna, þá fer ég í draugahúsið strax eftir skóla og kem heim milli 12 og 1 um nótt. Nú er það búið og á ég mikla vinnu til að vinna upp.
Ég skráði mig í keiluliðið en það eru mjög margir "sérstakir" krakkar þar svo ég veit ekki hvort að ég "fitti" beint inní hópinn en það er eitthvað sem kemur í ljós.

Gaman að því að það var jarðskjálfti hérna rétt áðan, 2. eitthvað á richter. Ég fann nú bara smá titring.

Fékk smá "gjöf" áðan sem var ekkert sérlega skemmtileg.
Nú þarf ég að greiða 185$ í símreikning. Málið liggur þannig að við erum með 2 síma hérna. Einn er landlínu sími og hinn er internet sími. Með internet símanum kostar 5c á mínútuna að hringja heim en mið hinum... já það kostar mikið meira.
Þetta var fyrsta símtalið sem að ég reyndi að hringja, ég gerði bara standard númerið eins og ég væri í Evrópu en það er aðeins flóknara hérna. Ég reyndi fyrst með internet símanum og það kom bara að þetta númer væri rangt. Reyndi svo með landlínu símanum og þar kom einnig að númerið væri rangt en svo var mér tilkynnt að bíða augnablik eftir operator. Svo ég sagði henni bara að ég vildi hringja heim og búmm það virkaði. Mínútugjaldið var víst 4.65$ á mínútuna!!! en það eru í kringum 325 kall á mínútuna. Og ég snillingurinn talaði í 40 mínútur sem gera jú 13200kr. takk fyrir. FYRIR 40 FKN MÍNÚTUR!!!!!

jæja, allir styrkir þegnir :)

Já, var ekkert smá svekktur, að þurfa að fara í búðir og hlusta á krakka væla um að geta ekki eignast vini og hringja í mömmu sína á hverjum degi! Ég var ekkert einn um það að hugsa þetta svona, félagi minn Alex frá Þískalandi var sko ekki spenntur.
Þegar við komum í búðirnar var stór hvítur dúkur á borðinu og þar voru margir krakkar búnir að raða sér í kringum og voru að teikna fánana sína. Ég nennti nú ekkert að troða mér inn og fór að skoða gamla dúka, það voru nokkrir íslenskir og tók ég myndir af nokkrum þeim.


(Þetta er nú meiri skíta staður, Bið að heilsa þér Íslendingur)


(Og haldiði síðan öll kjafti)


(Það þarf að kenna kananum að drekka!)


Mér finnst bara ógeðslega finndið að þessi Jónas hafi teiknað fánann vitlaust!


Svo að lokum, litli fáninn sem ég gerði, það var erfitt að finna pláss en kínveski fáninn var örugglega svona 1/4 af dúknum, já þeir hafa líklegast verið fyrstir á svæðið.

Búðirnar voru ekkert svo slæmar eftir allt, maður kynntist náttúrulega fullt af krökkum, ég lærði að kasta Amersíkum fótbolta og svo var almenilegur matur!
Ég hef bara aldrei farið í búðir með svona fínum og flottum mat, það var eldað ofaní okkur fyrir hveja máltíð, meira að segja amerískar pönnukökur og sýróp í morgunmat!

Annars bið ég bara að heilsa.

Hérna sjáið þið hvað það er leiðinlegt að vinna í draugahúsinu ;)


Þetta er ss. ég þarna í miðjunni ;)

Jújú, ég er enn lifandi...

Ég veit nú ekki hvað ég á að segja, ég er hættur í fótbolltanum, mig langaði bara mikklu meira að hjálpa Henry og þeim í draugahúsinu en það þýðir löng strætóferð...
Nú erum við búnir að opna og fólkið flæðir inn, allir eru hæstánægðir og ég hef séð fullorðið fólk koma grátandi, öskrandi og grípandi þétt utanum vini af hræðslu!
Ég er bara nokkuð skemmtilegur og jafnframt einfaldur karakter. Ég er með heuskúp sem er með horn og svo er ég í svona svörtum "robe" (Man ekki hvað það kallast á íslensku). Ég er búinn að fá faðmlög og kossa og fullt af myndatökum, fólk er alveg að fíla þennann gaur í botn!
En jæja, þarf að þjóta, gera mig klárann fyrir kvöldið.

Sorry, hvað ég er latur að blogga, hef bara verið eitthvað svo "upptekinn", skólinn, fótbolti, koma heim, sturta, kvöldmatur = uppgefinn!Annars er allt gott að frétta af mér og familíunni. Allt að stressast upp því það eru aðeins 9 vinnudagar í það að draugahúsið opnar og enn er mjög margt ógert, ég reyni að hjálpa þeim eins mikið og ég get, enda er það bara mjög gaman. Ég verð "walk around", í svona búningi eins og lukkudýr nema bara meira scary, það hlutverk er til þess að skemmta fólkinu sem býður í röðum eftir að kaupa miða. Ég ákvað að hætta í fótboltanum til þess að vera meira í draugahúsinu, auk þess hefði ég þurft að borga $175 fyrir fótboltann, nálægt 10 þús. Kalli) hefði ég haldið áfram og fótboltinn er haust-íþrótt og tímabilið að verða búið. En frá skólanum og til draugahússins tekur mig einn og hálfan tíma með strætó, og hefði ég ætlað að taka þátt í því og æfa fótbolta þá hefði það ekki verið hægt, því maður þarf að vera í búning og tilbúinn kl. 5 en æfing líkur ekki fyrr en 6. Skólinn minn er með keilulið, keila er vetrar-íþrótt svo ég ætla að vera í því, strákaliðið er víst ferlega lélegt en við erum með eitt besta stelpuliðið. Svo er planið á að fara í golf liðið í vor, því golf er jú vor-íþrótt :) Annars gengur skólinn vel, maður er farinn að "venjast" skólakerfinu, það verður samt eitt að tilhlökkunarefnunum mínu við það að koma heim, að fara í gamla góða kerfið.